O WINMERGE

O WinMerge é unha ferramenta Open Source de comparación e mestura para Windows. 
O WinMerge pode comparar tanto arquivos como cartafoles, presentando as diferenzas 
nun formato de texto visual que é moi sinxelo de entender e manexar. O WinMerge 
pode empregarse como unha ferramenta externa de diferenciación/mestura ou como
unha aplicación independente.

O WinMerge ten varias funcionalidades de grande utilidade para facer comparacións, 
, sincronizar e mesturar do xeito máis doado e pragmático posible. Mesmo resalta o 
texto segundo a sintaxe para diversos linguaxes de programación e outros formatos de 
arquivo.

A información e a última versión do WinMerge está dispoñible en https://winmerge.org/.

Comezo rápido
===========
Para aprender como levar a cabo as operacións básicas logo de instalar o WinMerge, 
preme en Axuda>Axuda do WinMerge e vai ao tema Quick start.  Ou, podes visitar a 
versión Web en https://manual.winmerge.org/QuickStart.html.

Axuda do WinMerge
===============
A axuda do WinMerge instalase localmente como un arquivo de axuda Microsoft HTML, 
WinMerge.chm, cando instalas o WinMerge. Para abrila, preme en Axuda>Axuda do 
WinMerge ou preme F1 na fiestra do WinMerge. Se empregas a liña de comandos, 
executa o WinMerge coa opción de axuda /?.

Tamén podes explorar a versión HTML da axuda do WinMerge en 
https://manual.winmerge.org/.

Soporte WinMerge
==============
Preguntas ou suxestións verbo do WinMerge? Un bo lugar para comezar é o taboleiro 
de mensaxes da comunidade do WinMerge en https://forums.winmerge.org/. Os 
desenvolvedores len e responden de xeito frecuente ás cuestións presentadas en ámbolos 
dous foros. Emprega o foro de Discusión Aberta para cuestións xerais do WinMerge, 
como os temas relacionados co seu uso. Emprega o foro de Desenvolvedores para as 
cuestións relativas ao desenrolo do WinMerge.

Erros e peticións de funcionalidades
==========================
Se unha cuestión non se resolve nos foros do WinMerge, comproba os rastrexadores do 
proxecto: vai a https://project.winmerge.org/, e preme no menú dos Rastrexadores, como 
Erros e Peticións de Funcionalidades, onde poderás explorar ou enviar os elementos que 
che interesen.

Se envía unha notificación de erro, por favor, inclúe a versión do  WinMerge na mesma. 
Podes xerar un rexistro da configuración premendo en Axuda>Configuración.
Por favor, adxunta o rexistro da configuración xerado á notificación de erro, pois ten unha 
morea de información moi útil para os desenvolvedores.


- The WinMerge Developers